Sorrera
ABELUR kooperatiba, nekazaritza-sektoreko aholkularitzan espezializatutako zerbitzu enpresa da. Eusko Jaurlaritzak, 2007ko azaroaren 14ko ebazpenean, ofizialki aitortu zigun izaera hori. Langileen gehiengoa kooperatibako bazkideak eta sortzaileak gara.
Lantaldea
Urte askotako ibilbide profesionala duen lantaldea da gurea; nekazaritza-ingeniari, ekonomilari, albaitari eta administrari profesionalez osatutakoa. Gure jakintza eta esperientzia nekazaritza-sektorearekiko dugun grinarekin uztartzen dugu kalitatezko zerbitzua emateraino.
Euskararekiko konpromisoa
Abelur kooperatibaren sorreratik argi geneukan gure zerbitzu- eta lan-hizkuntza euskara izango zela. Bide hori egiteko, 2009an euskara-plana martxan jarri genuen. Hizkuntza normalizazioan egindako ibilbidearen erakuslea da 2018an goi mailako urrezko Bikain ziurtagiria lortzea.
Berdintasuna
Emakumeen eta gizonen arteko lan- eta aukeren-berdintasun printzipioetan sinesten dugu. Aukera horiek egunerakotasunean bete eta sustatzen ditugu. Lan-baldintzak, eta pertsonen ongizatea berdintasun-irizpideen arabera ezarriak ditugu.
GURE LURRA - SEMBRANDO FUTURO
25/10/2024 - ABELUR
Datorren azaroaren14an, Donostiako Kursaalen, "Gure Lurra, Sembrando Futuro" kongresuaren 7. edizioa ospatuko da. Helburu nagusia, gizartea kontzientziatzea eta lehen sektorearen nortasuna indartzea da. Aurten, inoiz baino gehiago, sektoreko eragileen lana eta gizarteari egiten dioten ekarpena balioetsi nahi da.
Izena emateko: https://www.gipuzkoa.eus/eu/web/kongresua/gure-lurra
GOI-MAILAKO BIKAIN ZIURTAGIRIA LORTU DUGU
2024-6-12 -
Abelur kooperatibak sorreratik du euskararekiko konpromisoa. 2009an lehendabiziko euskara-plana jarri genuen martxan, eta orduz geroztik, urtez urte, lanean jardun dugu euskara gure lan- eta zerbitzu-hizkuntza izan dadin.
Egindako bidearen erakusle, 2018an urrezko Bikain ziurtagiria lortu genuen, eta aurten, 2024an, berriro lortu dugu.
HITZEZ EKITEKO GARAIA DA!
2022/11/17 - ABELUR
Hastera doa Euskaraldia, ahozko hizkuntza-ohiturak aldatzeko ariketa soziala. Azaroaren 18an hasi eta abenduaren 2a bitartean Abelur Kooperatiba ARIGUNEA, euskaraz lasai aritzeko gunea, izango da.
Izan zaitez ahobizi edo belarriprest!
GESVAC 4.0 Talde Operatiboa – 2. fasea
2024-08-16 - ABELUR
2024ko abuztuaren 5ean, Nekazaritza, Arrantza eta Elikadura Ministerioko Landa Garapeneko, Berrikuntzako eta Prestakuntzako Zuzendaritza Nagusiak dirulaguntza eman dio "GESVAC 4.0 Talde Operatiboari– 2. faseko proiektuak garatzeko
GESVAC 4.0 – 2 fasea martxan jartzeko bilera egin du GESVAC 4.0 Talde Operatiboak
2024/07/11 - ABELUR
Joan den urtarrilaren 19an, GESVAC 4.0 Talde Operatiboaren (GO) dibulgazio-jardunaldia egin zen: 'Kudeaketa aurreratuko plataforma kolaboratiboa, abeltzaintzako ustiategien errentagarritasuna hobetzeko, eraldaketa digitalaren bidez', HAZI, ABELUR eta CONABAk antolatuta, Aiako Testaje Zentroan (Gipuzkoa).
